Athroniaeth Dysgu ac Addysgu

Mae'r ysgol yn rhoi pwyslais cryf ar ddysgu ac addysgu. Mae'r holl staff yn elwa o gyfleoedd datblygiad proffesiynol parhaus, sy'n gwella ansawdd dysgu ac addysgu. Ein nod yw darparu lefel o her sy'n ysgogi ein holl ddisgyblion trwy ddysgu annibynnol neu gyfleoedd datrys problemau, gan roi sgiliau trosglwyddadwy i'n disgyblion ar gyfer eu dyfodol. 

Mae gennym dîm ymroddedig o athrawon â chymwysterau da sy'n cael eu cefnogi gan staff cynorthwyol, ac sy'n hybu gwerthoedd ac ethos sy'n hanfodol ar gyfer ein hysgol. 

Mae ein ffordd o gynllunio gwersi yn fanwl, ac yn seiliedig ar ymchwil ynghylch dysgu effeithiol. Cynllunnir tasgau i adlewyrchu amrywiaeth gytbwys o weithgareddau, ac maent yn cynnwys amrywiaeth o arddulliau dysgu ac addysgu.

Gweithio'n Annibynnol o Adref

Mae dysgu annibynnol yn hanfodol i atgyfnerthu ac ymarfer y gwaith a wneir mewn gwersi. Gosodir amrywiaeth o dasgau i ddisgyblion yn rheolaidd, e.e. gwaith ysgrifenedig, ymchwil, gwaith dysgu, darllen, ac fe'u hanogir i'w cwblhau neu eu hymestyn gartref. Bydd y tasgau'n cael eu cofnodi ar ClassCharts.